მადლობა მათ სულებს, ვინც თავისუფალი საქართველო 9 აპრილს, კიდევ ერთხელ გააჩინა მსოფლიო რუკაზე, - ამის შესახებ სახალხო დამცველმა, ლევან იოსელიანმა 9 აპრილის მემორიალთან ჟურნალისტებს განუცხადა, სადაც საქართველოს დამოუკიდებლობისთვის დაღუპულთა ხსოვნას შვილთან ერთად პატივი მიაგო.

მისი თქმით, საქართველოს მოქალაქეები შეეწირნენ თავისუფლებისთვის ბრძოლას.

„დღეს ჩემ შვილთან ერთად მოვედი, რომ მანაც ნახოს და მომავალ თაობას გადავცეთ ის ხსოვნა, რის ფასად არის მოპოვებული თავისუფლება. ის, რომ დღეს, საქართველო არის დამოუკიდებელი ქვეყანა, ეს არის ძალიან მნიშვნელოვანი. ეს არის სისხლის ფასად, ეს არის 35 წლის მანძილზე განუწყვეტელი ბრძოლის ფასად და კიდევ ერთხელ მადლობა მათ სულებს, ვინც თავისუფალი საქართველო 9 აპრილს, კიდევ ერთხელ გააჩინა მსოფლიო რუკაზე", - განაცხადა იოსელიანმა.