თორნიკე რიჟვაძემ 9 აპრილის მემორიალი ყვავილებით შეამკო და გარდაცვლილთა ხსოვნას პატივი მიაგო
აჭარის მთავრობის თავმჯდომარემ თორნიკე რიჟვაძემ, 9 აპრილის მემორიალი ყვავილებით შეამკო და გარდაცვლილთა ხსოვნას პატივი მიაგო.
აღნიშნულ ინფორმაციას, აჭარის ავტონომიური რესპუბლიკის მთავრობა ავრცელებს.
თორნიკე რიჟვაძის თქმით, ბრძოლას ჩვენი ქვეყნის თავისუფლებისა და დამოუკიდებლობისთვის ახალგაზრდები შეეწირნენ.
„დღევანდელი დღე არის ქართველი ხალხის თავისუფლების სიყვარულის, თავდადებისა და დამოუკიდებლობის სურვილის სიმბოლო. ტრაგიკულია ეს დღე, ამავე დროს არის ჩვენი თავმოყვარეობის და სიამაყის დღე. ბრძოლას ჩვენი ქვეყნის თავისუფლებისა და დამოუკიდებლობისთვის ახალგაზრდები შეეწირნენ. ქედს ვიხრი მათი გმირობის წინაშე”, - განაცხადა თორნიკე რიჟვაძემ.
1989 წლის 9 აპრილის მოვლენებიდან 35 წელი გავიდა. ბათუმში, გმირთა ხეივანში, 9 აპრილის მემორიალთან, აჭარის უმაღლესი საბჭოს თავმჯდომარე, საკანონმდებლო და აღმასრულებელი ხელისუფლების წარმომადგენლები, მინისტრთა კაბინეტის წევრები, ბათუმის მუნიციპალიტეტის ხელმძღვანელი პირები იმყოფებოდნენ.
v-if="article.gallery" v-html="article.gallery"
