15 აპრილს “უცხოური გავლენის გამჭვირვალობის შესახებ“ კანონპროექტის განხილვის პარალელურად აქცია გაიმართება
ორშაბათს, 15 აპრილს პარლამენტის იურიდიული კომიტეტის პარალელურად, სადაც “უცხოური გავლენის გამჭვირვალობის შესახებ“ კანონპროექტის პირველი მოსმენა არის ჩანიშნული, პარლამენტის წინ აქცია გაიმართება.
როგორც აქციაზე შეკრებილებს განუცხადეს, დღეს იყო მარში და ამით ბრძოლა არ დამთავრებულა.
“ეს არის რამდენიმე ეტაპიანი ბრძოლა. კიდევ იქნება ბევრი ეტაპი და კიდევ ბევრჯერ მოგვიწევს შეკრება. ამისთვის ჩვენ მზად ვართ, ჩვენ ამისთვის ვიგეგმებით. ჩვენ ამ ბრძოლას აუცილებლად მოვიგებთ!
ორშაბათს ვიკრიბებით ისევ აქ, პარლამენტთან. ორშაბათს არის პირველი საკომიტეტო მოსმენა”,- განაცხადეს აქციის ორგანიზატორებმა.
აქცია პარლამენტის წინ საქართველოს და ევროკავშირის ჰიმნებით დასრულდა, თუმცა ადგილზე მოქალაქეები კვლავ რჩებიან.
