ჰონგ-კონგში, საცხოვრებელ კორპუსში გაჩენილი ხანძრის შედეგად, სულ მცირე 5 ადამიანი დაიღუპა, - ამის შესახებ ინფორმაციას ადგილობრივი მედია ავრცელებს.
ადგილობრივი მედიის ცნობით, ჰონგ-კონგში New Lucky House-ის აპარტამენტების შენობაში ხანძარი დილით გაჩნდა, რის შედეგადაც, 5 ადამიანი დაიღუპა და 27 დაშავდა.
პოლიციის ცნობით, დაღუპულებს შორის სამი მამაკაცი და ორი ქალბატონია.
ჰონგ-კონგის ადმინისტრაციის მთავარმა მდივანმა, ერიკ ჩანმა ხანძრის შედეგად დაღუპულთა გამო მწუხარება გამოთქვა და განაცხადა, რომ ხანძრის გამომწვევ მიზეზებს გამოძიება დაადგენს.
