ისრაელი ირანის ტერიტორიიდან თავდასხმის საპასუხოდ შეტევას ირანში განახორციელებს, - ამის შესახებ ისრაელის საგარეო საქმეთა მინისტრმა, ისრაელ კაცმა განაცხადა.

„თუ ირანი თავდასხმას საკუთარი ტერიტორიიდან განახორციელებს, ისრაელი უპასუხებს და შეტევას ირანში განახორციელებს“, - წერს ისრაელ კაცი X-ზე.

ისრაელის საგარეო საქმეთა მინისტრი ირანის უზენაესი ლიდერის, აიათოლა ალი ხამენეის განცხადებას გამოეხმაურა, რომლის თანახმად, სირიაში, ირანის საკონსულოზე თავდასხმისთვის ისრაელი უნდა დაისაჯოს.