უკრაინელებმა რუსების მიერ გაშვებული 18 რაკეტა და 39 დრონი ჩამოაგდეს, - ამის შესახებ ინფორმაციას უკრაინის საჰაერო ძალების მეთაური, ნიკოლაი ოლეშჩუკი ავრცელებს.

ნიკოლაი ოლეშჩუკის ცნობით, რუსებმა უკრაინის მიმართულებით სულ 82 რაკეტა და დრონი გაუშვეს.

„მადლობა ცის ყველა დამცველს, რომელმაც ოკუპანტების მორიგი ტერორისტული თავდასხმა მოიგერია. ერთად გამარჯვებამდე!“, - განაცხადა ნიკოლაი ოლეშჩუკმა.

დღეს, რუსებმა უკრაინის ტერიტორიაზე მასიური საჰაერო შეტევა განახორციელეს. მათ სამიზნეს უკრაინის კრიტიკული ენერგეტიკული ინფრასტრუქტურა წარმოადგენდა.