გერმანია თავიდანვე უჭერდა მხარს გადაწყვეტილებას საქართველოსთვის ევროკავშირთან დაახლოების პერსპექტივის გახსნის შესახებ. ამიტომაც ჩვენთვის ძალიან მნიშვნელოვანი იყო თარიღი - 2023 წლის დეკემბერი, - ამის შესახებ განცხადება გერმანიის კანცლერმა ოლაფ შოლცმა საქართველოს პრემიერ-მინისტრთან ერთად გამართულ პრესკონფერენციაზე განაცხადა.

მისივე თქმით, ევროკავშირში გაწევრიანების სურვილი არამხოლოდ საქართველოს მთავრობას აქვს, არამედ ქვეყნის მოსახლეობის უმრავლესობას.

„გერმანია-საქართველოს 1992 წლიდან უჭერს მხარს, სოციალურ - ეკონომიკურ, სამართლებრივი სახელმწიფოსა და დემოკრატიის აშენების გზაზე. ჩვენ ძალიან მჭიდრო პარტნიორები ვართ განვითარების, თანამშრომლობის საქმეში და გვახარებს მომავალი თანამშრომლობაც. გერმანია თავიდანვე უჭერდა მხარს გადაწყვეტილებას საქართველოსთვის ევროკავშირის პერსპექტივის გახსნის შესახებ. ამიტომაც ჩვენთვის ძალიან მნიშვნელოვანი იყო თარიღი - 2023 წლის დეკემბერი, როდესაც საქართველომ კანდიდატის სტატუსი მიიღო. ახლა ძალიან მნიშვნელოვანია ამ პროცესის იმდენად კარგად ორგანიზება, რომ წევრობისთვის საჭირო ყველა კრიტერიუმი განვითარდეს. აქ მნიშვნელოვანია სამართლებრივი, ეკონომიკური რეფორმები, მაგრამ, პირველ რიგში, ასევე სამართლებრივი სახელმწიფო და დემოკრატია.

ჩვენ ვიცით, რომ ეს არამარტო მთავრობის სურვილი გახლავთ, არამედ ევროკავშირში გაწევრიანება საქართველოს მოქალაქეების ძალიან დიდი სურვილიცაა. სრული უმრავლესობა უჭერს მხარს ევროკავშირში გაწევრიანებას და ამ პროცესის დაჩქარებას. მოხარულები ვართ იმიტომაც, რომ ევროპული ფასეულობებისადმი მხარდაჭერა ძალიან მნიშვნელოვანია“, - განაცხადა ოლაფ შოლცმა.