საქართველოს ადვოკატთა ასოციაციის აღმასრულებელი დირექტორი, გიორგი ჭეხანი ერევანში გამართულ მე-5 სომხურ-ქართულ სამართლებრივ ფორუმში ქართულ დელეგაციასთან ერთად მონაწილეობს. ამის შესახებ ინფორმაციას „საქართველოს ადვოკატთა ასოციაცია“ ავრცელებს.

მათივე ცნობით, გიორგი ჭეხანმა ფორუმის მონაწილეებს „ადვოკატთა ასოციაციის“ მიერ იურიდიულ პროფესიაში ბოლო პერიოდში განხორციელებული რეფორმები გააცნო. ასევე ისაუბრა დამოუკიდებელი და ძლიერი იურიდიული პროფესიის როლზე სამართლის უზენაესობის განმტკიცების, დემოკრატიულ საზოგადოების განვითარებისა და ადამიანის უფლებების დაცვის პროცესში.

ამასთან, ფორუმი ორდღიანია და ორი ქვეყნის საადვოკატო სფეროს, იუსტიციის სამინისტროების, საგამოძიებო ორგანოების, საარბიტრაჟო ინსტიტუტებისა და სხვა იურიდიული პროფესიების წარმომადგენელთათვის თანამშრომლობის გაღრმავებასა და გამოცდილების გაზიარების ისახავს მიზნად.