„ნაციონალური მოძრაობის“ ახალგაზრდული ორგანიზაციის წევრი - ჩვენ ვიქნებით ერთიანები, პრინციპულები, ვიბრძოლებთ ბოლომდე, დავიცავთ ჩვენი ქვეყნის ინტერესებს და ევროპულ მომავალს!
ჩვენ ვიქნებით ერთიანები, პრინციპულები, ვიბრძოლებთ ბოლომდე, დავიცავთ ჩვენი ქვეყნის ინტერესებს და ევროპულ მომავალს! ყველას გავცემთ პასუხს, ვინც ხელს შეუშლის ევროინტეგრაციის პროცესს! - ამის შესახებ „ერთიანი ნაციონალური მოძრაობის“ ახალგაზრდული ორგანიზაციის წევრმა გიორგი წულაიამ, პარლამენტთან მიმდინარე აქციაზე განაცხადა.
წულაიას თქმით, ისინი არ დაუშვებენ, რომ საქართველოს ხელი შეეშალოს ევროპული ინტეგრაციის გზაზე.
„ჩვენი მთავარი გზავნილი არის ის, რომ არ შევეგუებით იმას, რომ „ქართულმა ოცნებამ“ მიიღოს „რუსული კანონი“. არ დავუშვებთ, რომ საქართველოს ხელი შეეშალოს ევროპული ინტეგრაციის გზაზე. ჩვენ ვუერთდებით პარლამენტთან მიმდინარე აქციას, ვიქნებით ერთიანები, პრინციპულები, ვიბრძოლებთ ბოლომდე! ჩვენ დავიცავთ ჩვენი ქვეყნის ინტერესებს და ევროპულ მომავალს და ყველას გავცემთ პასუხს, ვინც ხელს შეუშლის ევროინტეგრაციის პროცესს!“- განაცხადა გიორგი წულაიამ.
გიორგი წულაიას განცხადებას „ნაციონალური მოძრაობა“ ავრცელებს.
