დონალდ ტრამპის სასამართლო პროცესი იწყება
ნიუ-იორკში აშშ-ის ყოფილი პრეზიდენტის, დონალდ ტრამპის სასამართლო პროცესი იწყება.
სასამართლო პროცესი აშშ-ის ისტორიაში მნიშვნელოვანი მომენტია, რადგან დონალდ ტრამპი ქვეყნის პირველი ყოფილი პრეზიდენტია, რომლის წინააღმდეგაც სისხლის სამართლის საქმეა აღძრული.
დონალდ ტრამპს ბიზნეს ჩანაწერების გაყალბებისთვის ნიუ-იორკის სასამართლომ ბრალი 34 პუნქტით წაუყენა. საქმე 2016 წლის აშშ-ის საპრეზიდენტო არჩევნების კამპანიის დროს, დონალდ ტრამპის ყოფილი ადვოკატის, მაიკლ კოენის მიერ პორნოვარსკვლავ სტორმი დენიელის გასაჩუმებლად 130 000 დოლარის გადახდას ეხება. 2018 წელს სასამართლომ აღნიშნულ საქმეზე მაიკლ კოენს 3 - წლიანი პატიმრობა მიუსაჯა.
აშშ-ის ყოფილი პრეზიდენტი და 2024 წლის საპრეზიდენტო არჩევნებში „რესპუბლიკური პარტიის“ კანდიდატი, დონალდ ტრამპი დანაშაულს არ აღიარებს.
მოსალოდნელია, რომ აშშ-ის ყოფილი პრეზიდენტის სასამართლო პროცესი ექვსიდან რვა კვირამდე გაგრძელდება.
v-if="article.gallery" v-html="article.gallery"
