რუსეთის კურგანის ოლქში ასობით სახლი დაიტბორა, - ამის შესახებ ინფორმაციას რუსეთის საგანგებო სიტუაციების სამინისტრო ავრცელებს.

„მდინარე ტობოლის წყლის დონე სწრაფად იმატებს“, - აცხადებს რუსეთის საგანგებო სიტუაციების სამინისტრო.

სამინისტროს ცნობით, კურგანის ოლქში 300-ზე მეტი სახლი და 700-მდე საცხოვრებელი ფართი დაიტბორა, ხოლო ქალაქ კურგანში ელექტროენერგიის გარეშე დაახლოებით, 1500 ადამიანი დარჩა.

კურგანის ოლქის გუბერნატორის, ვადიმ შუმკოვის განცხადებით, მდინარე ტობოლის წყლის დონემ შესაძლოა 11 მეტრს მიაღწიოს.