გერმანიაში, ბავარიის ქალაქ ბაიროითში პოლიციამ ორი მამაკაცი დააკავა, რომლებიც რუსეთის სასარგებლოდ ჯაშუშობაში არიან ეჭვმიტანილი, - ინფორმაციას „დოიჩე ველე“ ავრცელებს.

გერმანიის ფედერალური პროკურატურის განცხადებით, ორივე დაკავებულს ბრალად ედება დივერსიული მიზნებისთვის აგენტური საქმიანობა და ასევე, ასაფეთქებელი ნივთიერებების მომზადება.

პროკურატურის ინფორმაციით, მამაკაცები ეძებდნენ პოტენციურ თავდასხმის ობიექტებს, მათ შორის აშშ-ის სამხედრო ბაზებს გერმანიაში.

ერთ-ერთ დაკავებულს, რომელიც პროკურატურის მტკიცებით, კავშირში იყო რუსეთის საიდუმლო სამსახურის აგენტთან, ასევე ბრალად ედება აფეთქებისა და ხანძრის მოწყობის დაგეგმვა.

ქმედებების მიზანი, სავარაუდოდ, გერმანიის მიერ უკრაინისთვის სამხედრო მხარდაჭერის აღმოჩენის დისკრედიტაციაა.