ისრაელის თავდასხმის საფრთხის ფონზე ირანმა შესაძლოა თავის ბირთვულ დოქტრინას გადახედოს, - ამის შესახებ ირანის რევოლუციური გვარდიის კორპუსის მეთაურმა, აჰმედ ჰაგთალაბმა განაცხადა.

„ჩვენი ბირთვული დოქტრინისა და პოლიტიკის გადახედვა, ასევე, ადრე გამოთქმული მოსაზრებების გადახედვა, სავსებით შესაძლებელია“, - განაცხადა აჰმედ ჰაგთალაბმა.

აჰმედ ჰაგთალაბი ირანის ბირთვულ უსაფრთხოებაზეა პასუხისმგებელი.

შეგახსენებთ, ისრაელის მიერ 1-ელ აპრილს სირიაში, ირანის საკონსულოზე განხორციელებული თავდასხმის საპასუხოდ, ირანმა გასულ შაბათ-კვირას ისრაელის მიმართულებით ასობით დრონი და რაკეტა გაუშვა.