რუსთაველის გამზირზე, სადაც „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია მიმდინარეობს, საავტომობილო მოძრაობა აღდგა.

აქციის მონაწილეების ნაწილი საქართველოს პარლამენტთან ამ დრომდე რჩება.

შეგახსენებთ, რომ რუსთაველის გამზირზე საპროტესტო აქცია დღეს 19:00 საათიდან მიმდინარეობს.

აღსანიშნავია, რომ აქციის მონაწილეები პარლამენტის შენობის ტერიტორიიდან მსვლელობით მთავრობის ადმინისტრაციასთან, შემდეგ „ქართული ოცნების“ ოფისთან მივიდნენ, საიდანაც კვლავ საკანონმდებლო ორგანოსთან დაბრუნდნენ.

დღევანდელი აქციის ორგანიზატორი სტუდენტური მოძრაობა “დაფიონია".

ახალგაზრდების განცხადებით, რუსთაველის გამზირზე „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია 19 აპრილს, 19:00 კვლავ გაიმართება.