იენს სტოლტენბერგი - ჩეხეთმა უკრაინისთვის ნახევარი მილიონი საარტილერიო ჭურვი შეიძინა - მოკავშირეებმა ღრმად უნდა ჩაიხედონ საკუთარ მარაგებში და დააჩქარონ რაკეტების, არტილერიისა და საბრძოლო მასალის გადაცემა
ჩეხეთმა უკრაინისთვის ნახევარი მილიონი საარტილერიო ჭურვი შეიძინა. ამის შესახებ ნატო-ს გენერალურმა მდივანმა იენს სტოლტენბერგმა ჩრდილოატლანტიკური ალიანსის წევრი ქვეყნების თავდაცვის მინისტრების დონეზე ნატო-უკრაინის საბჭოს შემდეგ გამართულ პრესკონფერენციაზე განაცხადა.
„ნატო-ს თავდაცვის მინისტრები შეთანხმდნენ [უკრაინისთვის] სამხედრო დახმარების დაჩქარებასა და გაზრდაზე, მათ შორის მეტი საჰაერო თავდაცვის…
მივესალმები გერმანიის ძალისხმევას, მათ შორის ბოლო გადაწყვეტილებას დამატებითი Patriot სისტემა გადასცენ უკრაინას. Patriot-ებთან ერთად, კიდევ ბევრი იარაღია, რომელთა გადაცემაც შეუძლიათ მოკავშირეებს, მათ შორის SAMP-T…
ჩეხეთმა დაადასტურა, რომ ამუნიციის მათი ინიციატივის ფარგლებში მათ [უკრაინისთვის] ნახევარი მილიონი საარტილერიო ჭურვი შეიძინეს.
მივესალმები ხვალ უკრაინისთვის კრიტიკული დახმარების პაკეტზე კენჭისყრისადმი აშშ-ის კონგრესში მიღწეულ პროგრესს. იმედი მაქვს, რომ კანონპროექტი დამატებითი შეფერხებების გარეშე იქნება მიღებული.
მოკავშირეებმა უფრო ღრმად უნდა ჩაიხედონ საკუთარ მარაგებში და დააჩქარონ რაკეტების, არტილერიისა და საბრძოლო მასალის გადაცემა”, - განაცხადა სტოლტენბერგმა.
v-if="article.gallery" v-html="article.gallery"
