„დედამიწის დღის” ფარგლებში გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით მოსწავლეებისთვის ლექცია „დედამიწის ისტორია - პროტოპლანეტიდან ლურჯ პლანეტამდე“ გაიმართა. რომლის მიზანია გარემოსდაცვითი ცნობიერების ამაღლება და საზოგადოების გაერთიანება ჯანსაღი გარემოს შესაქმნელად.

ამის შესახებ ინფორმაციას გარემოსდაცვითი ინფორმაციისა და განათლების ცენტრის ავრცელებს.

მათივე ცნობით, დედამიწის დღე ყოველწლიურად ყურადღებას ამახვილებს მნიშვნელოვან გარემოსდაცვით გამოწვევებზე. წელს „დედამიწის დღის“ თემაა „პლანეტა პლასტმასის წინააღმდეგ“ და მოუწოდებს საზოგადოებას შეამციროს პლასტმასის გამოყენება.

„22 აპრილს დედამიწის დღე აღინიშნება, რომლის მიზანია გარემოსდაცვითი ცნობიერების ამაღლება და საზოგადოების გაერთიანება ჯანსაღი გარემოს შესაქმნელად.

დედამიწის დღე ყოველწლიურად ყურადღებას ამახვილებს მნიშვნელოვან გარემოსდაცვით გამოწვევებზე. წელს „დედამიწის დღის“ თემაა „პლანეტა პლასტმასის წინააღმდეგ“ და მოუწოდებს საზოგადოებას შეამციროს პლასტმასის გამოყენება.

გარემოსდაცვითი საკითხების მნიშვნელობაზე სასაუბროდ, „დედამიწის დღის” ფარგლებში გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით მოსწავლეებისთვის ლექცია „დედამიწის ისტორია - პროტოპლანეტიდან ლურჯ პლანეტამდე“ გაიმართა. ქ.თბილისის N137 სკოლის მოსწავლეები დედამიწის განვითარების ისტორიას და ლურჯი პლანეტის თანამედროვე გამოწვევებს გაეცნენ.

,,დედამიწის დღე’’ პირველად 1970 წლის 22 აპრილს ამერიკის შეერთებულ შტატებში აღინიშნა, როდესაც საზოგადოებამ არაეფექტიანი სატრანსპორტო საშუალებებითა და უპასუხისმგებლო მრეწველობით გამოწვეული ჰაერის დაბინძურების გაპროტესტება დაიწყო“.- ნათქვამია ინფორმაციაში.