დიდ ბრიტანეთში ჩინეთის სასარგებლოდ ჯაშუშობისთვის ორ პირს ბრალი წაუყენეს

დიდ ბრიტანეთში ორ პირს ჩინეთის სასარგებლოდ ჯაშუშობისთვის ბრალი წაუყენეს. ამის შესახებ ინფორმაციას BBC-ი ავრცელებს.

BBC-ის ცნობით, 32 წლის კრისტოფერ ბერიმ და 29 წლის კრისტოფერ კეშმა უცხო სახელმწიფოს „სტატიები, ჩანაწერები, დოკუმენტები ან ინფორმაცია“ გადასცეს.

ლონდონის პოლიციის ანტიტერორისტული დეპარტამენტის ცნობით, ბრალდებები სერიოზულია და დეპარტამენტის უფროსმა მოსახლეობას მოუწოდა, რომ სპეკულაციებისგან თავი შეიკავონ.

ეჭვმიტანილების სასამართლო პროცესი 26 აპრილს გაიმართება.

ასევე, დღეს ცნობილი გახდა, რომ გერმანიაში ჩინეთის სასარგებლოდ ჯაშუშობის ბრალდებით სამი პირი დააკავეს.