ჟოზეფ ბორელის განცხადება პირდაპირ მიუთითებს საქართველოს მთავრობას, რომ ეს კანონი არის რუსული, ანტიქართული და ანტიევროპული, რომელიც ხელს უშლის საქართველოს ევროინტეგრაციას, - ამის შესახებ „ერთიანი ნაციონალური მოძრაობის“ პოლიტსაბჭოს წევრმა, ლაშა ფარულავამ განაცხადა.

მისივე თქმით, ქართველი ხალხის არჩევანი არის ევროპა, ევროკავშირი და ამას წინა ვერავინ აღუდგება.

„ჟოზეფ ბორელის განცხადება პირდაპირ მითითებაა საქართველოს მთავრობის მისამართით, რომ კანონი არის რუსული, რომელიც არის ამავდროულად ანტიქართული, ანტიეროვნული, ვინაიდან ხელს უშლის ქვეყნის ევროპულ პერსპექტივას და ცხადია, ქართველი ხალხის არჩევანი არის ევროპა, ევროკავშირი და ამას წინა ვერავინ ვერ აღუდგება. ერთადერთი ბარიერი, რომელიც ეღობება საქართველოს კეთილსინდისიერ მოქალაქეს, არის ივანიშვილის პარტია, რომელიც აუცილებლად დამარცხდება“, - განაცხადა ლაშა ფარულავამ.

ცნობისთვის, ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა ევროკავშირის საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა: „საქართველოს მთავრობამ ვალდებულება აიღო, რომ ამ კანონპროექტს გაიწვევდა და თავიდან აღარ წარადგენდა. ეს არ შესრულდა - ვიმეორებ, კანონი ევროკავშირის ღირებულებებთან შეუთავსებელია“.