რელიგიის საკითხთა სახელმწიფო სააგენტო ბაპტისტურ, ქრისტიან-მოლოკანთა თემებსა და „ხსნის არმიას" ბზობის დღესასწაულს ულოცავს.
რელიგიის საკითხთა სახელმწიფო სააგენტოს ცნობით, დღეს ბაპტისტური თემი, სულიერ ქრისტიან-მოლოკანთა თემი და საერთაშორისო საქველმოქმედო ორგანიზაციის „ხსნის არმიას" წარმომადგენლობა საქართველოში ბზობას დღესასწაულობენ.
„ბზობა ერთ-ერთი მთავარი საუფლო დღესასწაულია და იერუსალიმში უფლის დიდებით შესვლას განასახიერებს.
რელიგიის საკითხთა სახელმწიფო სააგენტო ულოცავს ბაპტისტურ, ქრისტიან-მოლოკანთა თემებსა და „ხსნის არმიას" ბზობის დღესასწაულს, მშვიდობას და კეთილდღეობას უსურვებს მათ“,- აღნიშნულია ინფორმაციაში.
