რეალური სულისკვეთება და რეალური ხალხის აზრი სუფევს აქ, ეს შეუჩერებელი პროცესია, ამ ხალხს ვერავინ ვერ მოერევა, - ამის შესახებ „ერთიანი ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა საქართველოს პარლამენტთან მიმდინარე აქციაზე განაცხადა.

ლევან ბეჟაშვილის განცხადებით, ხელისუფლება პროცესის გამწვავების გზით მიდის, რადგან მისთვის მშვიდობიანი დემონსტრაცია მიუღებელია.

„აბსოლუტურად გაუგებარია, მრავალ ათასიანი მიტინგი ვნახეთ ჩვენ, აბსოლუტურად მშვიდობიანი და უცბათ, არსაიდან გაჩნდნენ რობოკოპები, გაზი გაუშვეს, წყლის ჭავლის მანქანები გამოჩნდა. პირდაპირ გამწვავებაზე მიდიან იმიტომ, რომ მათთვის მშვიდობიანი დემონსტრაცია მიუღებელია.

ცდილობენ ვითარების გამწვავებას განსაკუთრებით ხვალინდელი კონტრაქციის წინ, მაგრამ ეს ხალხი მერწმუნეთ, სულ სხვა სულისკვეთებითაა მოსული. ეს ის ხალხი არ არის, ვისაც ხვალ ჩამოიყვანენ ნაძალადევად სამსახურიდან გაშვების შიშით“, - განაცხადა ლევან ბეჟაშვილმა.