ბენიამინ ნეთანიაჰუ - მძევლების გათავისუფლების შესახებ შეთანხმება რაფაჰში შესვლის გეგმებს არ შეცვლის

მძევლების გათავისუფლების შესახებ შეთანხმება რაფაჰში შესვლის გეგმებს არ შეცვლის, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ „ჰამასის“ მძევლებისა და დაღუპული ჯარისკაცების ოჯახებთან შეხვედრისას განაცხადა.

„იდეა, რომ ჩვენ ომს იქამდე შევაჩერებთ, სანამ ყველა მიზანს არ მივაღწევთ, შესაძლო ვარიანტს არ წარმოადგენს. ჩვენ რაფაჰში შევალთ და იქ „ჰამასის“ ბატალიონებს გავანადგურებთ, მიუხედავად იმისა, იქნება თუ არა შეთანხმება, რათა სრულ გამარჯვებას მივაღწიოთ“, - განაცხადა ბენიამინ ნეთანიაჰუმ.

ისრაელის პრემიერ-მინისტრის ოფისის მიერ გავრცელებული განცხადების თანახმად, „ჰამასის“ მძევლებისა და ღაზაში დაღუპული ჯარისკაცების ოჯახის წევრებმა ბენიამინ ნეთანიაჰუს მოუწოდეს, რომ ომი განაგრძოს და საერთაშორისო ზეწოლას გაუძლოს.