პარტია „გახარია საქართველოსთვის“ დეპუტატის ბექა ლილუაშვილის განცხადებით, არავის აქვს არც პოლიტიკური, არც მორალური უფლება, საფრთხეში ჩააგდოს უზარმაზარ ფასად მოპოვებული თავისუფლება.

როგორც მან პარლამენტის პლენარულ სხდომაზე აღნიშნა, თავისუფლების ბრძოლით მოპოვებულ ენასთან, მამულთან და სარწმუნოებასთან ერთად, საქართველოს აქვს ერთი შეუცვლელი მოცემულობა, რაც არის ქვეყნის ევროკავშირში გაწევრიანების თაობაზე მოსახლეობის სწრაფვა.

„ქვეყნის თავდაცვის ძალებს ვულოცავ დღევანდელ დღეს. შეუვალია მათი მსახურება თავდადება და გმირული ბრძოლა ქვეყნის დამოუკიდებლობისა და თავისუფლებისთვის. წმინდაა მათ მიერ ამ მიზნით გაღებული სისხლის თითოეული წვეთი. არავის აქვს არც პოლიტიკური, არც მორალური უფლება, საფრთხეში ჩააგდოს ამ უზარმაზარ ფასად მოპოვებული თავისუფლება“, - განაცხადა ბექა ლილუაშვილმა.

მისი თქმით, არასდროს ყოფილა ქვეყნის ევროპული მომავლის უზრუნველყოფის შანსი ასე რეალური, როგორც დღეს არის.