აქციის მონაწილეები, რომლებიც მთავრობის ადმინისტრაციის შენობასთან იმყოფებიან, კვლავ პარლამენტის შენობასთან დაბრუნდნენ.

მთავრობის ადმინისტრაციის შესავლელთან ამ დროსთვის რჩებიან პოლიციელები, ასევე ეზოში მობილიზებულია სპეცრაზმი.

შეგახსენებთ, აქციის მონაწილეები მთავრობის ადმინისტრაციასთან მსვლელობით მივიდნენ, მათ გადაკეტილი ჰქონდათ ინგოროყვასა და სულხან საბას ქუჩა. დემონსტრანტები გზის სავალ ნაწილზე ისხდნენ და ავტომობილებს გადაადგილების შესაძლებლობას არ აძლევდნენ.