შემზარავია! ფოტო ვნახე, არ ვიცოდი, იმიტომ, რომ ამ დაძაბულ ვითარებაში ვარ ჩართული -პარლამენტის წევრს არ უნდა მოექცე, ასე ძაღლურად არ უნდა მოექცე , - ამის შესახებ „მოქალაქეების“ ლიდერმა ალეკო ელისაშვილმა განაცხადა.

მან კიდევ ერთხელ აღნიშნა, რომ ასე არ შეიძლება პოლიცია მოექცეს ვინმეს, განსაკუთრებით პარლამენტის წევრს.

„მეც მიმათრევდნენ, მაგრამ ეგ რა მოსატანია. ლევანის ფოტო რომ ვნახე, რა მნიშვნელობა აქვს, რომელი პარტიის წარმომადგენელი ვარ, რომელი პარტიის თავმჯდომარეა - ასე პარლამენტის წევრს არ უნდა მოექცე, ასე ძაღლურად არ უნდა მოექცე! დღეს ჩვენი პოლიცია ჩვენს თვალწინ ხდება ძაღლობა, რაც ძალიან გულს მტკენს, იმიტომ, რომ მე ვარ პოლიციის პატივისმცემელი და ნებისმიერი ფორმიანის. მაგრამ ასე არ შეიძლება მოექცე არავის და მით უმეტეს პარლამენტის წევრს“, - განაცხადა ელისაშვილმა.

ცნობისთვის, „ერთიანი ნაციონალური მოძრაობის“ ინფორმაციით, პარტიის თავმჯდომარე ლევან ხაბეიშვილი სასტიკად ნაცემია.