არმაზ ახვლედიანი - კატეგორიულად მოვითხოვ, შს მინისტრმა აქციამდე გააკეთოს განცხადება და დადოს პირობა, რომ ძალადობა აღარ იქნება - წინააღმდეგ შემთხვევაში, მე ვიქნები პირველი, ვინც მის გადადგომას მოითხოვს

კატეგორიულად მოვითხოვ, რომ შინაგან საქმეთა მინისტრმა დღეს აქციამდე გააკეთოს განცხადება და დადოს პირობა, რომ ძალადობა აღარ იქნება - წინააღმდეგ შემთხვევაში, მე ვიქნები პირველი, სხვებთან ერთად, ვინც მის გადადგომას მოითხოვს, - ამის შესახებ ოპოზიციონერმა დეპუტატმა, არმაზ ახვლედიანმა პარლამენტის პლენარულ სხდომაზე განაცხადა.

მისივე თქმით, საქართველოს უმთავრესი საჭიროება სწორ, ევროპულ, დემოკრატიულ გზაზე დგომაა, რასაც ხელს „ბოროტების ბუდე - კრემლი“ და მისი მესვეური პუტინი აცდენს.

„მიმაჩნია, რომ დღეს საქართველოს უმთავრესი საჭიროება სწორ ევროპულ დემოკრატიულ გზაზე დგომაა. ამ გზას მას ერთადერთი ბოროტების ბუდე კრემლი და მისი მესვეური პუტინი აცდენს. რა ცუდია, თუ ჩვენი ქვეყნის განვითარების რომელიმე ეტაპზე ნებითა თუ უნებლიედ ამ ინტერესს ვინმე გაატარებს.

კატეგორიულად მოვითხოვ, რომ შინაგან საქმეთა მინისტრმა დღეს აქციამდე გააკეთოს განცხადება და დადოს პირობა, რომ ძალადობა აღარ იქნება. წინააღმდეგ შემთხვევაში, მე ვიქნები პირველი, სხვებთან ერთად, ვინც მის გადადგომას მოითხოვს. კატეგორიულად მოვითხოვ, რომ პრემიერ-მინისტრმა თქვას, რომ ის ძალადობას ემიჯნება, წინააღმდეგ შემთხვევაში, მე, სხვებთან ერთად, სრული უფლება მექნება, რომ მისი გადადგომა მოვითხოვო. არჩევანი მათ ხელშია და მათ უნდა გადაწყვიტონ, რა გზით ივლიან“, - განაცხადა არმაზ ახვლედიანმა.