პარლამენტის შენობის გვერდითა შესასვლელთან, ჩიტაძის ქუჩაზე სიტუაცია ეტაპობრივად იძაბება. ცოტა ხნის წინ, აქციის მონაწილეებმა საკანონმდებლო ორგანოს გვერდითა შესასვლელთან ნაგვის ურნები მიიტანეს, მათი მისამართით პარლამენტის ეზოდან წყლის ჭავლი კიდევ ერთხელ გაუშვეს.

ამას გარდა, მომიტინგეებმა ნაგვის ურნა მიიტანეს პარლამენტის შენობის უკანა შესასვლელთან.

მანამდე კი ნაგვის ურნები განალაგეს სდსს-ს შესავლელთან, ასევე, დაანთეს ცეცხლი, რომელიც წყლის ჭავლის მანქანით ჩააქრეს.

მიუხედავად ამ ვითარებისა, აქციის მონაწილეები როგორც პარლამენტის წინ, ისე უკანა შესასვლელთან და ჩიტაძის ქუჩაზე კვლავ რჩებიან. აქციის მონაწილეების მხრიდან ისმის სხვადასხვა სახის შეძახილები.