ჩიტაძის ქუჩაზე მყოფი აქციის მონაწილეები ჭიჭინაძის ქუჩაზე გადავიდნენ. ჭიჭინაძის ქუჩაზე გადანაცვლების გადაწყვეტილება მომიტინგეებმა მას შემდეგ მიიღეს, რაც მათთვის ცნობილი გახდა, რომ პარლამენტის შესასვლელთან ნაგვის ურნებითა და სხვადასხვა ნივთებით მოწყობილი ბარიკადებიდან ერთი პირი პარლამენტის ეზოში გადავარდა.

აქციის მონაწილეები აცხადებენ, რომ ის ამ დრომდე უკან არ დაბრუნებულა, რამაც მათი გაღიზიანება გამოიწვია. მათ აღნიშნულ მხარეს არსებულ შესასვლელთანაც მიიტანეს ნაგვის ურნები და სხვადასხვა ნივთები. აქციის მონაწილეებმა ჩაამსხვრიეს პარლამენტის შენობის ფანჯარაც.

პარლამენტის შენობაში მყოფმა გდდ-ს თანამშრომლებმა აქციის მონაწილეების მისამართით გამოიყენეს წყლის ჭავლი.