Channel 12 - დემონსტრანტებმა „ჰამასთან“ მძევლების გათავისუფლების შესახებ შეთანხმების მიღწევის მოთხოვნით თელ-ავივში გზატკეცილი გადაკეტეს

დემონსტრანტებმა „ჰამასთან“ მძევლების გათავისუფლების შესახებ შეთანხმების მიღწევის მოთხოვნით თელ-ავივში გზატკეცილი გადაკეტეს, - ამის შესახებ ინფორმაციას ისრაელის Channel 12 ავრცელებს.

დემონსტრანტებს, რომელთა რიგებში „ჰამასის“ მიერ აყვანილი მძევლების ოჯახის წევრები არიან, დიდი ბანერი უჭირავთ წარწერით: „ან რაფაჰი, ან მძევლები - აირჩიე სიცოცხლე“.

„რაფაჰში შესვლა მძევლების სიცოცხლის დათმობას ნიშნავს. ექვსთვიანი დაპირებების შემდეგ, რომ მძევლების დაბრუნება მხოლოდ სამხედრო მოქმედებების შედეგად შეიძლებოდა, ჩვენ ყველას გვესმის, რომ მათი გადარჩენის ერთადერთ გზას შეთანხმების მიღწევა წარმოადგენს“, - ნათქვამია დემონსტრანტების მიერ გავრცელებულ განცხადებაში.