„უცხოური გავლენის გამჭვირვალობის შესახებ“ კანონპროექტის მოწინააღმდეგეები გმირთა მოედანზე გზის გადაკეტვას ცდილობდნენ
გმირთა მოედანზე „უცხოური გავლენის გამჭვირვალობის შესახებ“ კანონპროექტის მოწინააღმდეგეები გმირთა მოედნიდან ვარაზისხევისკენ მიმავალი გზი გადაკეტვას ცდილობენ.
ამ წუთებში, სამართალდამცველები გზაზე ვითარების დარეგულირებას ცდილობენ, მოქალაქეები გზის სავალი ნაწილიდან ტროტუარზე გადაჰყავთ და ავტომობილებს გადაადგილების საშუალებას აძლევენ.
აქციაზე სახელწოდებით “პიკეტირება - ხმაური თავისუფლებისთვის!” მოქალაქეები 18:00 საათიდან შეიკრიბნენ, მათი მიზანი გმირთა მოედნის სრული პიკეტირებაა.
მოქალაქეები ასევე ცდილობდნენ მერაბ კოსტავას ქუჩისკენ მიმავალი გზის გადაკეტვას. პოლიციამ ცოცხალი ჯაჭვი შეკრა და ცდილობდა მოქალაქეების შეჩერებას, თუმცა მათ სხვა ქუჩაზე გადაინაცვლეს. მონაწილეები ერთმანეთს მოუწოდებენ, გმირთა მოედნისკენ გადავიდნენ და მისი სრული პიკეტირება მოახდინონ. “ყველამ ჩავკიდოთ ხელი ერთმანეთს და გმირთა მოედნისკენ დავიძრათ, გადავკეტოთ!”, - აცხადებენ აქტივისტები.
როგორც სამართალდამცველებმა შეკრებილ მოქალაქეებს განუცხადეს, გზის გადაკეტვა უკანონოა და მხოლოდ იმ შემთხვევაშია შესაძლებელი, თუ ამას აქციის მონაწილეების რაოდენობა მოითხოვს.
“გზის გადაკეტვა კანონით აკრძალულია. თუ ამ ტერიტორიაზე ვერ დაეტევით, მხოლოდ მაშინ გექნებათ გზის გადაკეტვის უფლება, ჩვენთან შეთანხმებით”, - განუცხადა სამართალდამცველმა აქტივისტებს.
v-if="article.gallery" v-html="article.gallery"
