მეთიუ მილერი „უცხოური გავლენის გამჭვირვალობის შესახებ“ კანონპროექტზე - ძალიან ნათელი გავხადეთ, რამდენად სერიოზულად ვეკიდებით საკითხს - ენტონი ბლინკენი ახლოდან აკვირდება
ღრმად შეშფოთებულები ვართ კანონპროექტით, რომელიც საქართველოს საკანონმდებლო ორგანოში განიხილება - ენტონი ბლინკენი ძალიან ახლოდან აკვირდება ამას, - ამის შესახებ აშშ-ის სახელმწიფო დეპარტამენტის პრესსპიკერმა მეთიუ მილერმა განაცხადა.
მან კიდევ ერთხელ გამოთქვა შეშფოთება „უცხოური გავლენის გამჭვირვალობის“ კანონპროექტთან დაკავშირებით და აღნიშნა, რომ რადგან ის ჯერ კიდევ კანონპროექტია საპასუხო ზომებზე კომენტარს არ გააკეთებს.
„ღრმად შეშფოთებულები ვართ კანონპროექტით, რომელიც ახლა საქართველოს საკანონმდებლო ორგანოში განიხილება. ასევე, შეშფოთებულები ვართ და ვგმობთ ყალბ ნარატივს, რომელიც საქართველოს ოფიციალურ პირებს აქვთ ამ კანონპროექტის დასაცავად, ასევე, ანტიდასავლურ რიტორიკას, რომლითაც "ქართული ოცნების" ხელმძღვანელობამ საქართველო სახიფათო ტრაექტორიაზე დააყენა და რომელიც ძირს უთხრის საქართველოს ევროატლანტიკურ მისწრაფებებს და აშშ-საქართველოს ურთიერთობებს. ეს ჯერ კიდევ კანონპროექტია და კომენტარს არ გავაკეთებ, წინასწარ ან განვიხილავ კონკრეტულ პასუხებს, რომლებიც შეიძლება მივიღოთ, მაგრამ ძალიან ნათელი გავხადეთ, რამდენად სერიოზულად ვეკიდებით ამ საკითხს და როგორი შეშფოთებულები ვართ...
შემიძლია დაგარწმუნოთ, რომ ის [ბლინკენი] ძალიან ახლოდან აკვირდება ამას, მიუხედავად იმისა რომ მსოფლიოს მასშტაბით მოგზაურობს სხვა ქვეყნებში, მაგრამ ის რეგულარულ განახლებებს იღებს", - განაცხადა ბრიფინგზე აშშ-ის სახელმწიფო დეპარტამენტის სპიკერმა, მეთიუ მილერმა.
v-if="article.gallery" v-html="article.gallery"
