„ჰამასის“ დელეგაცია კაიროში ჩავიდა, - ამის შესახებ ინფორმაციას სააგენტო Reuters-ი „ჰამასის“ ოფიციალურ წარმომადგენელზე დაყრდნობით ავრცელებს.

კაიროში, სადაც ღაზის სექტორში ცეცხლის შეწყვეტის შესახებ მოლაპარაკებები უნდა განახლდეს, „ჰამასის“ დელეგაციის ვიზიტი ეგვიპტურმა მედიამაც დაადასტურა.

„დღეს განსხვავებული შედეგები იქნება. ჩვენ შეთანხმებას ბევრ საკითხზე მივაღწიეთ და რამდენიმე პუნქტი რჩება“, - განუცხადა Reuters-ს ეგვიპტურმა წყარომ.

ადგილობრივი წყაროების ცნობით, კაიროში აშშ-ის ცენტრალური სადაზვერვო სააგენტოს დირექტორი, უილიამ ბერნსიც იმყოფება, რომელიც ეგვიპტის დედაქალაქში პარასკევს ჩავიდა.