ნატო რუსეთთან პოტენციური კონფლიქტისთვის ემზადება, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.

„ამჟამად, ცივი ომის შემდეგ ნატო-ს ყველაზე დიდი წვრთნები Steadfast Defender (მტკიცე მცველი) რუსეთის საზღვართან ახლოს ტარდება. მათი სცენარის მიხედვით, რუსეთის წინააღმდეგ კოალიციის ქმედებები ყველა ინსტრუმენტის, ჰიბრიდული და ჩვეულებრივი იარაღის გამოყენებით, ხორციელდება. უნდა ვაღიაროთ, რომ ნატო ჩვენთან პოტენციური კონფლიქტისთვის სერიოზულად ემზადება“, - განაცხადა მარია ზახაროვამ.

რუსეთის საგარეო საქმეთა სამინისტროს პრესსპიკერმა აღნიშნა, რომ რუსეთი ჰიბრიდულ თავდასხმებს არ მიმართავს და პირიქით, უკრაინის ფინანსური და სამხედრო მხარდაჭერით ნატო ჰიბრიდულ ომს რუსეთის წინააღმდეგ აწარმოებს.