ევროკომისიის პრეზიდენტის, ურსულა ფონ დერ ლაიენის განცხადებით, ჩინეთის პრეზიდენტს, სი ძინპინს რუსეთის მიერ შექმნილ ბირთვულ საფრთხეებთან დაკავშირებული დაძაბულობის დეესკალაციაში მნიშვნელოვანი როლის შესრულება შეუძლია.

მედიის ინფორმაციით, ურსულა ფონ დერ ლაიენმა საფრანგეთის პრეზიდენტ ემანუელ მაკრონსა და სი ძინპინთან პარიზში გამართულ შეხვედრაზე სი ძინპინს მოუწოდა, გამოიყენოს პეკინის გავლენა უკრაინის წინააღმდეგ რუსეთის ომის შესაჩერებლად.

ამასთან, ევროკომისიის ხელმძღვანელის თქმით, დარწმუნებულია, სი ძინპინი გააგრძელებს მნიშვნელოვანი როლის შესრულებას რუსეთის მიერ წარმოქმნილ ბირთვულ საფრთხეებთან დაკავშირებული დაძაბულობის დეესკალაციაში.

შეხვედრის შემდეგ, ემანუელ მაკრონმა და ურსულა ფონ დერ ლაიენმა განაცადეს, რომ მოლაპარაკებებში პრიორიტეტული თემა ვაჭრობის საკითხი იყო და ხაზგასმით აღნიშნეს, რომ ევროპამ ჩინეთთან ეკონომიკურ ურთიერთობებში თავისი სტრატეგიული ინტერესები უნდა დაიცვას.