რაფაჰის სასაზღვრო გამშვებ პუნქტზე, ღაზას მხარეს ისრაელის ტანკი დააფიქსირეს.

კადრები, რომელშიც ისრაელის ტანკი ჩანს Channel 12 news-ის პოლიტიკურმა ანალიტიკოსმა, ამიტ სეგალმა თავის „ტელეგრამ“ არხზე გაავრცელა.

მანამდე, მედიაში გავრცელდა ინფორმაცია, რომ რაფაჰის აღმოსავლეთ გარეუბნებში ისრაელის ტანკები გამოჩნდნენ.

ისრაელის თავდაცვის ძალებს რაფაჰში ოპერაციის დაწყების შესახებ საჯარო განცხადება, ჯერჯერობით, არ გაუკეთებია.

ცნობისთვის, ისრაელმა გუშინ, მას შემდეგ რაც ევაკუაციის რეკომენდაცია გასცა, აღმოსავლეთ რაფაჰში საჰაერო დარტყმები განახორციელა.