ისრაელის ჩრდილოეთ ნაწილში, მეტულას მახლობლად განთავსებულ ისრაელის არმიის პოზიციაზე „ჰეზბოლას“ მიერ განხორციელებული დრონით თავდასხმის შედეგად ორი ჯარისკაცი დაიღუპა, - ინფორმაციას ისრაელის თავდაცვის ძალები ავრცელებს.

თავდაცვის ძალების მტკიცებით, მცდელობის მიუხედავად ასაფეთქებელი დრონის შეჩერება ვერ შეძლო.

დაღუპულები 31 წლის სამხედრო მოსამსახურეები არიან და ორივე 551-ე ბრიგადის 6551-ე ბატალიონში მსახურობდა.

ისრაელის თავდაცვის ძალების ინფორმაციით, თავდასხმის დროს მსუბუქად დაშავდა კიდევ ერთი ჯარისკაცი.