უკრაინაში კიდევ ორი ქართველი მებრძოლი დაიღუპა. ამის შესახებ უკრაინაში მებრძოლი ქართველები ინფორმაციას სოციალურ ქსელში ავრცელებენ.

„სამწუხაროდ, კიდევ ორი მაგარი ქართველი დავკარგეთ, ნათელში იყავით ძმებო“, - წერს ვანო ნადირაძე “ფეისბუქზე“.

არსებული ინფორმაციით, დაღუპულები არიან ბესო ლომიძე, დათო გოგაძე.

გავრცელებული ცნობებით, დავით გოგაძე და ბესო ლომინაძე ავდეევკის მიმართულებაზე საბრძოლო მოქმედებების შედეგად დაიღუპნენ, ისინი "შავი არწივის" მებრძოლები იყვნენ.

ინფორმაციისთვის, 2022 წლის 24 თებერვალს უკრაინაში რუსეთის სრულმასშტაბიანი ომის დაწყების შემდეგ, არაოფიციალური ცნობებით, დაღუპულია 60-ზე მეტი ქართველი მებრძოლი.