ჩვენ არ გვეშინია! უსუსური დაშინების მცდელობებია. ჩვენ აქ ვდგავართ ჩვენი ქვეყნის მომავლისთვის! - ამის შესახებ „სამართლიანი არჩევნების“ ხელმძღვანელმა, ნინო დოლიძემ საკანონმდებლო ორგანოსთან განაცხადა, სადაც აქცია ლოზუნგით - "გავათენოთ საქართველოსთვის" იმართება.

მისივე თქმით, კანონპროექტი შემაფერხებელია დემოკრატიული და ევროპული განვითარებისთვის.

“დღევანდელი აქცია გაგრძელებაა რამდენიმე კვირიანი პროტესტის, რომელიც რუსულ კანონს უკავშირდება. გვინდა კიდევ ერთხელ გავაგონოთ ხმა, იქამდე ვიდგებით, სადამდეც საჭიროა. ეს კანონპროექტი შემაფერხებელია დემოკრატიული და ევროპული განვითარებისთვის. არ გვეშინია, მიუხედავად იმისა, რომ ვნახეთ, როგორ გაუსწორდნენ ფიზიკურად მოქალაქეებს, ზოგს შემოგვივარდნენ და პლაკატები გაგვიკრეს. ჩვენ არ გვეშინია! ეს არის უსუსური დაშინების მცდელობა. ჩვენ აქ ვდგავართ ჩვენი ქვეყნის მომავლისთვის”, - აღნიშნა დოლიძემ.