ლიეტუვის საპრეზიდენტო არჩევნების პირველ ტურში მოქმედმა პრეზიდენტმა, გიტანას ნაუსედამ ამომრჩევლების ყველაზე მეტი ხმა მიიღო, მაგრამ 50%-იან ბარიერს ვერ მიაღწია.

მედიის ინფორმაციით, წინასწარმა შედეგებმა აჩვენა, რომ საპრეზიდენტო არჩევნების პირველ ტურში ნაუსედა ხმების 44.4%–ით ლიდერობს, მეორე ადგილზე კი პრემიერ-მინისტრი ინგრიდა შიმონიტეა, რომელსაც მხარი ამომრჩევლების 19.3%-მა დაუჭირა. შესაბამისად, არჩევნების მეორე ტურში ერთმანეთს გიტანას ნაუსედა და ინგრიდა შიმონიტე დაუპირისპირდებიან.

შეგახსენებთ, ლიეტუვაში საპრეზიდენტო არჩევნების პირველი ტური გუშინ ჩატარდა. პრეზიდენტობისთვის 8 კანდიდატი იბრძოდა.