პარლამენტის წინ შეკრებილ აქციის მონაწილეებს სხვადასხვა უნივერსიტეტის სტუდენტების გაერთიანებულო კოლონა შეუერთდა.

პარლამენტისკენ მიმავალმა სტუდენტებმა საქართველოს ჰიმნი შეასრულეს.

ისინი სკანდირებენ:"საქართველო", „სად მივდივართ? - ევროპაში".

პროტესტი მონაწილეებს გაშლილი აქვთ საქართველოსა და ევროკავშირის დროშები. ასევე, წარმოდგენილი აქვთ სხვადასხვა შინაარსის ბანერები.

რუსთაველის გამზირზე სტუდენტების მისვლას, ადგილზე მყოფი მოქალაქეების ოვაციები მოჰყვა.