უკრაინელებმა რუსების მიერ გაშვებული ყველა დრონი გაანადგურეს, - ამის შესახებ ინფორმაციას უკრაინის საჰაერო ძალების მეთაური, ნიკოლაი ოლეშჩუკი ავრცელებს.

ნიკოლაი ოლეშჩუკის ცნობით, რუსულმა ძალებმა უკრაინის მიმართულებით Shahed-ის ტიპის 18 დრონი და ერთი „ისკანდერ-მ“ ტიპის ბალისტიკური რაკეტა გაუშვეს.

მისივე თქმით, უკრაინის საჰაერო ძალების საზენიტო-სარაკეტო დანაყოფებმა და უკრაინის თავდაცვის ძალების მობილურმა საცეცხლე ჯგუფებმა დრონები კიევის, დონეცკის, დნეპროპეტროვსკის, ჩერკასის, კიროვოგრადის, ზაპოროჟიეს, ხერსონისა და ხმელნიცკის ოლქებში გაანადგურეს.