ალეკო ელისაშვილი - „მოქალაქეები“ ვუერთდებით ბოიკოტს - პოლიტიკური პროცესი ახლა ქუჩაშია მშვიდობიანი წინააღმდეგობის სახით რუსული ხელისუფლებისა და რუსული კანონის წინააღმდეგ

პოლიტიკური პარტია „მოქალაქეები“ საპარლამენტო ბოიკოტს უერთდება. ამის შესახებ პარტიის თავმჯდომარე, ალეკო ელისაშვილმა „ინტერპრესნიუსთან“ განაცხადა.

ალეკო ელისაშვილის თქმით, პოლიტიკური პროცესი ახლა არის ქუჩაში, მშვიდობიანი წინააღმდეგობის სახით.

„დიახ, ჩვენ ვუერთდებით ბოიკოტს. მე და ქეთი თურაზაშვილი წარმოვადგენთ პარლამენტში პარტიას „მოქალაქეები“ და ახლა იმ პარლამენტში რაიმე რუტინულ საქმიანობაში მონაწილეობის ვერანაირ აზრს ვერ ვხედავთ. ოთხი წელი მართლა გულით ვცდილობდი, რომ დამემტკიცებინა ხალხისთვის, იქ უბრალოდ ხელფასის ასაღებად არ ვიყავი, მთელი გულით ვიყავი ყველაფერში ჩართული, მაგრამ ახლა ჩვენ, რა თქმა უნდა, ვუერთდებით ბოიკოტს. პოლიტიკური პროცესი ახლა არის ქუჩაში მშვიდობიანი წინააღმდეგობის სახით რუსული ხელისუფლებისა და რუსული კანონის წინააღმდეგ“, - განაცხადა ალეკო ელისაშვილმა.

ასევე, საპარლამენტო ბოიკოტის რეჟიმში გადასვლის თაობაზე განცხადება გააკეთა ფრაქცია "ნაციონალურმა მოძრაობამ“, „სტრატეგია აღმაშენებელმა“ და “ლელომ“.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად