აშშ-ის ყოფილი პრეზიდენტი, დონალდ ტრამპი აცხადებს, რომ ჩინეთისა და რუსეთის პრეზიდენტები, სი ძინპინი და ვლადიმერ პუტინი ზიანის მოსატანად ერთიანდებიან.

„ჩინეთის პრეზიდენტი სი, მე მას კარგად ვიცნობ და რუსეთის პრეზიდენტი პუტინი, მასაც კარგად ვიცნობ. ისინი ახლა ერთად მუშაობენ გეგმებზე, სადაც ერთიანდებიან, იკრიბებიან და ზიანი მოაქვთ, რადგან საბოლოო ჯამში სწორედ ამაზე ფიქრობენ, ზიანის მიყენებაზე“, - აღნიშნა ტრამპმა ნიუ-იორკში ჟურნალისტებთან საუბრისას.

აშშ-ის პრეზიდენტის თანამდებობაზე ყოფნის დროს ტრამპს მღელვარებით სავსე ურთიერთობა ჰქონდა სი ძინპინთან. 2017 წელს მან ჩინეთის ლიდერს მარ-ა-ლაგოში უმასპინძლა და ირწმუნებოდნენ, რომ გამორჩეული ურთიერთობა ჰქონდათ, თუმცა, მომდევნო წლებში ტრამპმა სი ძინპინს მტერი უწოდა.

შეგახსენებთ, რუსეთის პრეზიდენტი, ვლადიმერ პუტინი ორდღიანი ვიზიტით ჩინეთში იმყოფება, სადაც ჩინელ კოლეგას, სი ძინპინს შეხვდა.