უკრაინის საჰაერო ძალების ინფორმაციით, რუსების მიერ გაშვებული ყველა დრონი გაანადგურეს.

უკრაინის საჰაერო ძალების მეთაურის, ნიკოლაი ოლეშჩუკის ცნობით რუსულმა ძალებმა უკრაინის მიმართულებით Shahed-ის ტიპის 13 დრონი გაუშვეს.

„18 მაისის ღამეს, ოკუპანტებმა Shahed 131/136-ის ტიპის 13 დრონის გამოყენებით რუსეთის პრიმორსკო-ახტარსკის და კურსკის ოლქებიდან შეტევა განახორციელეს“, - წერს ნიკოლაი ოლეშჩუკი „ტელეგრამის“ არხზე.

უკრაინის საჰაერო ძალების საზენიტო-სარაკეტო დანაყოფებმა და უკრაინის თავდაცვის ძალების მობილურმა საცეცხლე ჯგუფებმა დრონები პოლტავას, ვინიცას, ნიკოლაევისა და დნეპროპეტროვსკის ოლქებში გაანადგურეს.