მინდა ჩვენი პატრიარქისადმი მადლიერება გამოვხატო, რომელმაც ოჯახის სიწმინდის დღე შემოიტანა და დაამკვიდრა ჩვენ ქვეყანაში. ეს არის მნიშვნელოვანი. ამით გამოჩნდა, თუ სად დგას ჩვენი ხალხი, - ამის შესახებ „ქართული ოცნების” თავმჯდომარემ, ირაკლი ღარიბაშვილმა ჟურნალისტებს რუსთავში განუცხადა.

მისი განმარტებით, რუსთავში შეხვდა პარტიის აქტივს, სადაც ქვეყანაში მომდინარე მოვლენებზე, საჭირბოროტო საკითხებზე ისაუბრეს.

ღარიბაშვილის თქმით, მთავარი განსახილველი თემა არჩევნები იყო, რისთვისაც „ქართული ოცნება“ ძალიან ძლიერად უნდა მოემზადოს იმისთვის, რომ ძლიერი შედეგი დადოს“.

„ასევე, რა თქმა უნდა, ვისაუბრეთ იმაზე, რაც ქვეყანაში მიმდინარეობს და მე ჩემი ინფორმაცია გავუზიარე, ჩემი ანალიზი წარვუდგინე ჩვენ საზოგადოებას, ჩვენ პარტიას. მინდა გითხრათ, რომ ჩვენი ხალხი მოვლენებს ძალიან სწორად აფასებს. პირველ რიგში, მინდა ჩვენი პატრიარქისადმი მადლიერება გამოვხატო, რომელმაც ოჯახის სიწმინდის დღე შემოიტანა და დაამკვიდრა ჩვენ ქვეყანაში.ეს არის მნიშვნელოვანი. ამით გამოჩნდა, თუ სად დგას ჩვენი ხალხი, ქართული საზოგადოება, როგორ ღირებულებებზე, როგორ ფესვებზე არის დამოკიდებული ჩვენი ხალხის მდგრადობა, სიძლიერე, ზოგადად, ჩვენი ქვეყნის სიძლიერე, მდგრადობა. შემთხვევითი არ იყო ის, რომ ოჯახის სიწმინდის იდეამ გააერთიანა მთელი საზოგადოება და ამიტომ, კიდევ ერთხელ მივესალმები გუშინდელ დღეს და კიდევ ერთხელ, მადლობა მინდ გადავუხადო ჩვენ პატრიარქს ამ ძალიან მნიშვნელოვანი ეროვნული ინიციატივისთვის“, - განაცხადა ღარიბაშვილმა.