მედია - ებრაჰიმ რაისის ვერტმფრენის ძებნაში ჩართულმა თურქულმა დრონმა სითბოს წყარო გამოავლინა
ირანის პრეზიდენტ ებრაჰიმ რაისის ვერტმფრენის ძებნაში დახმარების აღმოჩენის მიზნით თურქეთის მიერ გაგზავნილმა დრონმა სითბოს წყარო გამოავლინა, - ინფორმაციას BBC-ი თურქულ მედიაზე დაყრდნობით ავრცელებს.
თურქული საინფორმაციო სააგენტო Anadolu Bayraktar Akıncı-ს ტიპის დრონის მიერ გადაღებულ კადრებს ავრცელებს, სადაც ნაჩვენებია ფერდობი და ბნელი ლაქა.
სააგენტოს ინფორმაციით, აღნიშნული ადგილის კოორდინატები ირანის ხელისუფლებას აცნობეს.
შეგახსენებთ, გუშინ გავრცელდა ინფორმაცია, რომ ვერტმფრენმა, რომელშიც ირანის პრეზიდენტი, ებრაჰიმ რაისი და საგარეო საქმეთა მინისტრი, ჰოსეინ ამირ-აბდოლაჰიანი იმყოფებოდნენ, "მძიმე დაშვება" განახორციელა. ადგილობრივი მედიის ცნობით, შემთხვევა მაშინ მოხდა, როდესაც რაისი ირან-აზერბაიჯანის სასაზღვრო ზონიდან ბრუნდებოდა და ქალაქ თავრიზისკენ მიემართებოდა. ირანის შინაგან საქმეთა მინისტრის, აჰმად ვაჰიდის განცხადებით, სამძებრო სამუშაოებს ამინდის რთული პირობები აფერხებს.
v-if="article.gallery" v-html="article.gallery"
