ისრაელის საგარეო საქმეთა მინისტრი - ჰააგის სასამართლოს პროკურორი პრემიერსა და თავდაცვის მინისტრს „ჰამასის“ ბოროტ, ნაცისტების მსგავს ურჩხულებთან ერთად მოიხსენიებს - ისტორიული სირცხვილი!
ისრაელის საგარეო საქმეთა მინისტრმა ჰააგის სასამართლოს პროკურორის მიერ ისრაელის ოფიციალური პირების დაპატიმრების ორდერის მოთხოვნას „ისტორიული სირცხვილი“ უწოდა.
„მაშინ, როცა „ჰამასის“ წევრი მკვლელები და მოძალადეები კაცობრიობის წინააღმდეგ დანაშაულს სჩადიან, პროკურორი ისრაელის პრემიერ-მინისტრს და თავდაცვის მინისტრს „ჰამასის“ ბოროტ ნაცისტების მსგავს ურჩხულებთან ერთად მოიხსენიებს - ისტორიული სირცხვილი, რომლის დამახსოვრება სამუდამოდ მოხდება!“, - განაცხადა ისრაელის საგარეო საქმეთა მინისტრმა, ისრაელ კაცმა.
ისრაელ კაცმა აღნიშნა, რომ მან საგარეო საქმეთა სამინისტროს სიტუაციური ოთახის შექმნა დაავალა, რომლის მიზანი სისხლის სამართლის სასამართლოს საერთაშორისო სასამართლოს (ICC) მთავარი პროკურორის, კარიმ ხანის გადაწყვეტილების წინააღმდეგ ბრძოლა იქნება.
შეგახსენებთ, დღეს, სისხლის სამართლის სასამართლოს საერთაშორისო სასამართლოს (ICC) მთავარმა პროკურორმა, კარიმ ხანიმ ისრაელის პრემიერ-მინისტრ ბენიამინ ნეთანიაჰუს, თავდაცვის მინისტრ იოავ გალანტის და „ჰამასის“ ლიდერის დაპატიმრების ორდერი მოითხოვა.
