„ჰამასი“ - კატეგორიულად ვგმობთ სისხლის სამართლის საერთაშორისო სასამართლოს პროკურორის მცდელობებს მსხვერპლი ჯალათთან გააიგივოს

„ჰამასი“ ჰააგის სასამართლოს პროკურორის მიერ მისი ლიდერების დაპატიმრების ორდერის მოთხოვნას კატეგორიულად გმობს.

„ჰამასის მოძრაობა სისხლის სამართლის საერთაშორისო სასამართლოს პროკურორის მცდელობებს, რომ პალესტინის წინააღმდეგობის რამდენიმე ლიდერის დაპატიმრების ორდერის გაცემით, მსხვერპლი ჯალათთან გააიგივოს, კატეგორიულად გმობს“, - ნათქვამია „ჰამასის“ განცხადებაში.

შეგახსენებთ, დღეს, სისხლის სამართლის საერთაშორისო სასამართლოს (ICC) მთავარმა პროკურორმა, კარიმ ხანიმ ისრაელის პრემიერ-მინისტრ ბენიამინ ნეთანიაჰუს, თავდაცვის მინისტრ იოავ გალანტის და „ჰამასის“ ლიდერების, იაჰია სინვარისა და ისმაილ ჰანიეს დაპატიმრების ორდერი მოითხოვა.