დროებითი ნავსადგურის გავლით ღაზაში 569 ტონაზე მეტი ჰუმანიტარული დახმარება შევიდა. ამის შესახებ ინფორმაციას აშშ-ის ცენტრალური სარდლობა ავრცელებს.

აშშ-ის ცენტრალური სარდლობის ცნობით, მიუხედავად იმისა, რომ ჰუმანიტარული დახმარება ნავსადგურის გავლით ღაზის სექტორში შევიდა, დიდ ნაწილს საწყობებამდე არ მიუღწევია.

გაერო-ს განცხადებით, გასულ პარასკევს მისმა კონტრაქტორებმა ჰუმანიტარული დახმარება ნავსადგურიდან დეირ ელ ბალაჰში მდებარე საწყობში გადაიტანეს, ხოლო კვირას და ორშაბათს გაერო-ს ჰუმანიტარული დახმარება არ მიუღია.

შეგახსენებთ, ამერიკელმა სამხედროებმა ღაზის სექტორის სანაპიროზე ნავსადგურის მშენებლობა გასულ ხუთშაბათს დაასრულეს.