ყველა ქვეყანაში, რომელიც იცავს სახელმწიფოებრიობას და სუვერენიტეტს, რა თქმა უნდა, ამ ტიპის კანონპროექტი იქნება მიღებული, - ამის შესახებ დედაქალაქის მერმა კახა კალაძემ მედიის შეკითხვის საპასუხოდ განაცხადა, რომლის მიხედვით, თურქეთი უცხოეთის აგენტების შესახებ საკანონმდებლო ცვლილებების პაკეტის მიღებას განიხილავს.

კალაძის თქმით, თურქეთი „უცხოური გავლენის აგენტების” შესახებ კანონპროექტს მიიღებს.

„თურქეთი არის ნატო-ს წევრი ქვეყანა. ეს ყველამ ძალიან კარგად იცით. კანონპროექტს, რომელზეც გუშინ გავრცელდა ინფორმაცია, ისინი დააინიციირებენ და იქნება მიღებული. ყველა ქვეყანაში, რომელიც იცავს სახელმწიფოებრიობას და სუვერენიტეტს, რა თქმა უნდა, ამ ტიპის კანონპროექტი იქნება მიღებული“, - განაცხადა კახა კალაძემ.

ცნობისთვის, თურქეთი „უცხოური გავლენის აგენტების” შესახებ კანონპროექტის პარლამენტში განხილვას გეგმავს. კანონპროექტის თურქეთის პარლამენტისთვის წარდგენა 2024 წლის 1-ელ ივნისს იგეგმება. მედიის ინფორმაციით, კანონპროექტი საკანონმდებლო შესწორებას მოიცავს, რომელიც „შპიონაჟისა“ და „ჯაშუშობის“ განმარტებებს აფართოებს, ამასთან სისხლის სამართლის პასუხისგება შემოდის ე.წ. „უცხოური გავლენის აგენტებისთვის“.