სამხრეთ კორეა, ჩინეთი და იაპონია 26-27 მაისს სეულში სამიტს გამართავენ, - ამის შესახებ ინფორმაციას სამხრეთ კორეული მედია ავრცელებს.

საინფორმაციო სააგენტო Yonhap-ის ცნობით, 2019 წლის შემდეგ პირველად სამხრეთ კორეას, ჩინეთსა და იაპონიას შორის სამმხრივი სამიტი 26-27 მაისს გაიმართება.

კვირას, სამხრეთ კორეის პრეზიდენტი, იუნ სუკ იოლი ჩინეთის პრემიერ-მინისტრთან, ლი ჩიანგთან და იაპონიის პრემიერ-მინისტრთან, ფუმიო კიშიდასთან ორმხრივ მოლაპარაკებებს გამართავს, ხოლო ორშაბათს სამმხრივი სამიტი შედგება.